Solomon банктерге күмәнді ақша аударымдарын тексеретін ЖИ әзірлеп жатыр

Күмәнді ақша аударымы байқалса, банк маманы ақшаны кім жібергенін, кім алғанын және олардың байланысын бірнеше дереккөзден тексереді. Solomon осы мәліметтерді жинап, талдау жұмысының бір бөлігін автоматтандыруға арналған. Оны банктің өз серверлеріне орнатуға болады, ал соңғы шешімді маман қабылдайды. Команда Astana Hub бағдарламасына қатысып, Қазақстан нарығына шығуға дайындалып жүр.